منتديات شباب الدار الجزائرية
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى


 
اذاعة شباب الدارالرئيسيةالتسجيلدخول

شاطر | 
 

 ايا اعقد ونوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اوراق الخريف
عضو(ة) متطور(ة)
عضو(ة) متطور(ة)
avatar


الجنس انثى
المزاج : مصدومة
عدد المشــاركــات : 111
نقاط التميز : 112
العمر : 23
تاريخ التسجيل : 13/01/2012


مُساهمةموضوع: ايا اعقد ونوي    الثلاثاء 20 مارس 2012, 5:58 pm


01 حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .
02 نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا
03يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .
04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .
05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .
06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .
07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا
08 لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .
09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .
10 علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .
11 أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .
12 السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .
13 يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك
14 في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .
15 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .
16 جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .
17 شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة
18 ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .
19 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .
20
غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخز في العين و القلب شاعلة فيه النار .
21 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح
22 يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .
23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .
24
يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك .
25
يا لساكنة في الخيمة و الريح جاني قبلي ردي أوراقك ديمة لا يولي الريح غربي .
26 في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .
27 يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي
28 حكمت الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف .
29
علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .
30 عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي و قال القمر نذوب اصبر يا قلبي ياك كل شي مكتوب .
31
يا للي ملكتنني بزينك يالزايدة في عذابي في الليل نومك و في النهار نترجاك قوليلي غير كليمة يرحم اللي رباك .
32
و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه .
33 ذاك الحمام اللي محبوس في السجنة يعيا و يفرج ربي و نرجعوا خير من اللي كنا
34 يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك ذاك البصر المفلق يما واش فيه راه القلب تعلق لمن نهديه لا طيور تزقزق لا مخبيه .
35 شجرة على طرف البير و أعراقها دلايا يما شفت الطير وجهوا كي المرايا عليه لعقاد تسير و عليه نطوي الثنايا

الرجوع الى أعلى الصفحة اذهب الى الأسفل
ماكانش _DZ
عضو(ة) نشيط(ة)
عضو(ة) نشيط(ة)
avatar


الجنس ذكر
المزاج : أفكر
المهنة : غير معروف
عدد المشــاركــات : 823
نقاط التميز : 1012
العمر : 19
تاريخ التسجيل : 14/07/2011

الاوسمة الادارية التميز

مُساهمةموضوع: رد: ايا اعقد ونوي    الأربعاء 21 مارس 2012, 2:55 pm

33 ذاك الحمام اللي محبوس في السجنة يعيا و يفرج ربي و نرجعوا خير من اللي كنا



يعطيك الصحة


قل للاحبة في الاعماق ذكراكم ** يمضي الزمان ونبض القلب يهواكم

جاءت رسائلنا والشوق يحملها ** لاخير فينا اذا يوما نسيناكم

يامن سكنتم عروش الروح مغتصبا ** ليس الوصال وصالا دون رؤياكم
الرجوع الى أعلى الصفحة اذهب الى الأسفل
عبورة
عضو(ة) متطور(ة)
عضو(ة) متطور(ة)



الجنس انثى
المزاج : مستمتعة
المهنة : طالب
عدد المشــاركــات : 253
نقاط التميز : 248
العمر : 23
تاريخ التسجيل : 30/07/2011


مُساهمةموضوع: رد: ايا اعقد ونوي    الأربعاء 21 مارس 2012, 9:45 pm

السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها


[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
عبورة
عضو(ة) متطور(ة)
عضو(ة) متطور(ة)



الجنس انثى
المزاج : مستمتعة
المهنة : طالب
عدد المشــاركــات : 253
نقاط التميز : 248
العمر : 23
تاريخ التسجيل : 30/07/2011


مُساهمةموضوع: رد: ايا اعقد ونوي    الأربعاء 21 مارس 2012, 10:42 pm

يما يما وعلاش راكي زعفانة اذا بيكي الماء راني رويانة



واذا بيكي العشاء راني شبعانة واذا بيكي الاسمر مانديه غير انا

هذي ليك اوراق الخريف


[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
عبورة
عضو(ة) متطور(ة)
عضو(ة) متطور(ة)



الجنس انثى
المزاج : مستمتعة
المهنة : طالب
عدد المشــاركــات : 253
نقاط التميز : 248
العمر : 23
تاريخ التسجيل : 30/07/2011


مُساهمةموضوع: رد: ايا اعقد ونوي    الأربعاء 21 مارس 2012, 10:47 pm

اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

وهدي الي يدخل بعدي


[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
اوراق الخريف
عضو(ة) متطور(ة)
عضو(ة) متطور(ة)
avatar


الجنس انثى
المزاج : مصدومة
عدد المشــاركــات : 111
نقاط التميز : 112
العمر : 23
تاريخ التسجيل : 13/01/2012


مُساهمةموضوع: رد: ايا اعقد ونوي    الثلاثاء 27 مارس 2012, 12:41 pm

عبورة كتب:
يما يما وعلاش راكي زعفانة اذا بيكي الماء راني رويانة



واذا بيكي العشاء راني شبعانة واذا بيكي الاسمر مانديه غير انا

هذي ليك اوراق الخريف
شكرا ليك
الرجوع الى أعلى الصفحة اذهب الى الأسفل
اوراق الخريف
عضو(ة) متطور(ة)
عضو(ة) متطور(ة)
avatar


الجنس انثى
المزاج : مصدومة
عدد المشــاركــات : 111
نقاط التميز : 112
العمر : 23
تاريخ التسجيل : 13/01/2012


مُساهمةموضوع: رد: ايا اعقد ونوي    الأربعاء 04 أبريل 2012, 9:56 pm

هههههههههه عبورة راني كل يوم نقراها

ونقولها لختك وهي تكملي المقطع
الرجوع الى أعلى الصفحة اذهب الى الأسفل
 
ايا اعقد ونوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب الدار الجزائرية :: منتديات الترفيه :: الالغاز والمسابقات-
انتقل الى: